Біз — халықаралық тәжірибесі мен жергілікті сараптамасы бар тәуелсіз компаниямыз. Біздің басты ерекшелігіміз — халықаралық стандарттарды (PMI, GMP, BIM) жергілікті ерекшеліктерді терең түсінумен ұштастыру. Біз тек кеңес беріп қана қоймай, тұжырымдамадан бастап нысанды пайдалануға бергенге дейінгі нәтиже үшін жауапкершілікті өз мойнымызға аламыз.

Біз жобаны идеядан бастап нысанды пайдалануға бергенге дейін сүйемелдейміз. Жоба алдындағы пысықтаулар кезеңінде тапсырыс берушіге жобаны іске асырудың жалпы стратегиясы, жер телімін таңдау мәселелері бойынша кеңес береміз, рұқсаттар мен келісімдерді алу жөніндегі жол картасын әзірлейміз, сондай-ақ тапсырыс берушімен бірлесіп жобаны жүзеге асырудың EPCm/ EPC/ PMC келісімшарттық моделін таңдаймыз.

Біз өнеркәсіптің түрлі бағыттарында қызмет етеміз, дегенмен біздің басты басымдығымыз бен негізгі күш-қуатымыз келесі салаларға бағытталған: тамақ өнеркәсібі, фармацевтика, құрылыс материалдарын шығару, цемент өндірісі, құрастыру кәсіпорындары, автокөлік бөлшектері және FMCG секторы.

PMC (Project Management Consultancy) — жобаны тапсырыс берушінің атынан басқару. Біз барлық қатысушылардың жұмысын үйлестіреміз, мерзімдерді, бюджетті және сапаны бақылаймыз. Бұл — «бір терезе» қағидасы, сіз ашық есептілік жүйесі мен тәуелсіз бақылауға ие боласыз.

Иә, бізде барлық бағыттар бойынша инженер-жобалаушылардың өз штаты жасақталған. Негізгі техникалық шешімдерді әзірлеу, тұжырымдамалық жобалау, сонымен қатар кейінгі кезеңдердегі (жұмыс жобасы) жобалау процесін басқару біздің басты артықшылығымыз.

Өз тәсілімізде біз адам факторын барынша азайтатын нақты құралдарға, шаблондар мен нұсқаулықтарға ие бола отырып, жобаларды басқару жөніндегі халықаралық тәжірибеге сүйенеміз. Бұдан бөлек, біз шығындарды азайтуға, өнімділікті арттыруға және жұмыс сапасын жақсартуға бағытталған Lean-тәсілін қолданамыз.

Біз құрылыс мердігерлерін таңдау бойынша тендерлерді тапсырыс берушінің атынан және оның мүддесі үшін өткіземіз. Тендерлік рәсім бірнеше кезеңнен тұрады: тендерлік пакетті дайындау, қатысушылардың ұзын тізімін (long-list) жасау, алдын ала біліктілік іріктеуі (предквалификация), қатысушылардың қысқа тізімін (short-list) жасау, біліктіліктен өткен мердігерлердің техникалық-коммерциялық ұсыныстарын жинау және бағалау, жиналған ұсыныстар бойынша тапсырыс берушіге біздің ұсынымдарымыз қамтылған есепті дайындау, тапсырыс беруші үшін шарт үлгісін әзірлеу.

Біз, ең алдымен, техникалық консалтингке назар аударамыз: бұл — жер телімін таңдау және бағалау, техникалық және экологиялық аудит, рұқсаттар мен келісімдерді алу бөлігіндегі консалтинг, жобаны банктік қаржыландыруды алу үшін құжаттар пакетін дайындау бөлігіндегі консалтинг.

Қауіпсіздіктің кешенді аудиті, ESG аудиті, жұмыстарды қауіпсіз ұйымдастыру тұрғысынан мердігерлерді басқару және тағы басқалары.

Біз Қазақстан мен Өзбекстан нарығында жұмыс істейміз, сондай-ақ ТМД-ның басқа елдерінде де кеңес беру қызметтерін көрсетеміз.

Орталық Азия өңірінің негізгі ерекшеліктеріне келесі факторлар жатады:

• климаттық жағдайлар (температураның шұғыл ауытқулары), сейсмикалық белсенділік, кейбір аудандардағы су тапшылығы,
• әр елдің өз нормативтерінің болуы; қолданыстағы құрылыс нормалары мен өрт қауіпсіздігі стандарттарын тексеру қажеттілігі,
• шалғай аймақтардағы үлкен қашықтық пен көлік инфрақұрылымының дамымауы, бұл жеткізілімдерді мұқият жоспарлауды талап етеді,
• жергілікті материалдар өндірісінің (әсіресе мамандандырылған) шектеулі мүмкіндіктері — импорттау қажеттілігі туындайды,
• кейбір өңірлерде білікті мамандардың (инженерлер, монтаждаушылар) жетіспеушілігі.

Біз заңнама мен комплаенс талаптарын толық орындаймыз. Тапсырыс берушіге кеңесші ретінде қолдау көрсетіп, келісу рәсімдері кезінде туындауы мүмкін барлық тәуекелдер мен кедергілерді алдын ала ескертеміз, сондай-ақ жергілікті заңнама негізінде ең тиімді жол картасын құрамыз.

Өтінім қалдырыңыз немесе бізге хабарласыңыз. Біз алғашқы кеңес беруді өткізіп, сұранысыңызды егжей-тегжейлі талқылаймыз, содан кейін алдағы іс-қимыл жоспарын ұсынамыз. Бұл қызмет тегін көрсетіледі және сізге ешқандай міндеттеме жүктемейді.

Көрсетілетін қызметтердің түріне байланысты бұл жобалық құжаттама пакеті, аудит нәтижелері бойынша есеп немесе құрылысты басқару қызметі көрсетілген жағдайда құрылыс барысы туралы ай сайынғы есептер болуы мүмкін. Есептердің форматы коммерциялық ұсынысты дайындау кезеңінде талқыланады.

Жоқ, біз негізінен коммерциялық тапсырыс берушілер іске асыратын ауқымы орташа инвестициялық жобаларға назар аударамыз. Көрсетілетін қызмет түрлеріне қарай, біз ірі өндірістік компаниялармен де, шағын стартаптармен де жұмыс істей береміз.

Иә, біздің негізгі мамандарымыз орыс және ағылшын тілдерін еркін меңгерген және халықаралық командалармен (ішкі топтармен де, тапсырыс берушілер мен технологиялық жабдықтарды жеткізушілер тарапынан да) жұмыс істеу тәжірибесі бар.